Abstratu husi trablhu akadémiku ida mak testu ne'ebé konsizu no klaru no objetivu hodi aprezenta objetivu prinsipál sira, métodu, rezultadu no konkluzaun sira husi serbisu ne'ebé hala'o tiha ona. Abstratu ne'e tenke prepara ho autonomia no independénsia husi testu sira seluk, atu nune'e lee-na'in bele komprende konteúdu husi serbisu ne'e sein presiza lee dokumentu tomak.
Abstratu ne'e tenke kontein informasaun tuir mai nee:
Kontextu: aprezentasaun badak kona-ba kontestu ne'ebé dezenvolve tiha ona, hodi subliña importánsia husi tópiku ne'ebé estuda tiha ona no motivasaun sira ne'ebé lori ba peskiza nee.
Objetivu: Definisaun klaru no objetivu kona-ba objetivu peskiza nian, deskreve saida mak atu estuda no saida mak buka atu hetan ho trabalhu nee.
Metodu: deskrisaun badak kona-ba métodu sira ne'ebé uza iha peskiza, hodi subliña aprosimasaun no metodolojia ne'ebé adota ona, tékniku halibur dadus no analiza no prosedimentu sira ne'ebé hala'o tiha ona.
Rezultadu: aprezentasaun sumáriu kona-ba rezultadu prinsipál sira ne'ebé hetan iha peskiza, ne'ebé ko'alia liu kona-ba rezultadu prinsipál sira no konkluzaun sira.
Konkluzaun: sintesis ida kona-ba konkluzaun prinsipál sira husi servisu nee, ne'ebé subliña kontribuisaun sira ba área estudu nian no implikasaun pratiku no teóriku husi rezultadu sira.
Importante atu subliña katak abstratu ne'e tenke hakerek iha lian ne'ebé klaru no objetivu, uza sentensa badak no simples. Aleinde nee, abstratu ne'e tenke prepara tuir padraun sira husi APA ka instituisaun edukasaun ne'ebé sei aprezenta serbisu, ho númeru liafuan másimu ne'ebé estabelese.
No comments:
Post a Comment